Suedisë për BE: Tani jemi të lirë nga murtaja e derrave

Stokholm – Ka kaluar një vit që nga rasti i parë i murtajës afrikane të derrave që u konstatua në Suedi.

Jordbruksverket tani ka dërguar aplikimin te Komisioni Evropian me dëshirën për të qenë të liruar në fund të shtatorit. Janë shtetet anëtare të BE-së që në fund votojnë se kur Suedia duhet të lirohet zyrtarisht. Kjo mund të ndodhë më herët një vit pas rastit të fundit.

Zona e prekur ndodhej në komunën Fagersta, me bllokime të mëdha si pasojë dhe kufizime si për publikun ashtu edhe për gjuetarët.

Gjithsej janë gjetur 68 kadavra derri të egër pozitive për virusin ASF në zonën e infektuar, sipas Institutit Veterinar Kombëtar të Suedisë. 59 derra të butë dhe 92 derra të egër janë asgjësuar në zonë, por nuk është vërtetuar ndonjë përhapje që nga fundi i shtatorit të vitit të kaluar.

“Ne kemi ecur dukshëm më shumë sesa mund të imagjinonim në fillim të shpërthimit,” thotë Madeleine Haal Gertzell, zëvendës shefe e njësisë për luftim të infeksionit në Jordbruksverket, në një njoftim për shtyp.

(6 shtator)