go to the original language article
Shkupi – Kryeministri Hristijan Mickoski këtë mëngjes në Ohër realizoi takim me kryeministrin hungarez Viktor Orban, i cili dje arriti për vizitë zyrtare në Maqedoninë e Veriut.
– Kisha një takim të frytshëm dhe miqësor me kolegun hungarez Viktor Orban. Historia dëshmon për përpjekjen tonë të përbashkët drejt paqes, prosperitetit dhe bashkëpunimit. Hungaria në të kaluarën ishte një nga partnerët e parë tanë që njohu përpjekjet maqedonase për pavarësi dhe sovranitet. Për shumë vite, lidhjet politike dhe ekonomike mes vendeve tona po thellohen dhe takimet e sotme vetëm konfirmojnë aleancën tonë strategjike. Hungaria nuk është vetëm partneri ynë në skenën evropiane, por edhe shembull për atë se si një shtet mund të balancojë me sukses sovranitetin kombëtar me integrimin global, shkroi Mickoski në “Facebook”.
Në Ohër sot është mbajtur edhe mbledhja ndërqeveritare, dhe sipas agjendës, është planifikuar edhe një shëtitje nëpër qytet, vizitë në kishën e Shën Marisë Perivleptos, Teatrin Antik dhe kompleksin manastirësh Shën Naum, dhe vendosja e luleve pranë monumentit të Shën Kirilit dhe Metodit nga kryeministrat Mickoski dhe Orban. (27 shtator)