Murtezan: Ndryshimet kushtetuese do të realizohen kur do të dihet fundi i procesit të pranimit

Tetovë – Ministri për çështje evropiane Orhan Murtezani deklaroi sot në Tetovë se ndryshimet kushtetuese do të fillojnë të realizohen në momentin kur të fitohet siguria se si do të duket fundi i atij procesi.

– Në paraqitjet publike të përfaqësuesve ndërkombëtarë dhe në raportin e Komisionit Evropian qëndron detyrimi për ndryshimet kushtetuese si kusht për fillimin e negociatave. Unë dhe kryeministri Mickoski disa herë kemi thënë qartë se asgjë nuk është në diskutim në thelb të ndryshimeve kushtetuese, por ne duam të jemi të sigurt që ndryshimet kushtetuese nuk do të hapin vetëm procesin e negociatave, por që ai proces do të ketë një fund. Në momentin kur ne do të shohim që procesi është i siguruar, ndryshimet kushtetuese mund të fillojnë të implementohen, tha Orhan Murtezani. (4 nëntor)