go to the original language article
BRISEL – Presidentja e Komisionit Evropian Ursula fon der Lajen deklaroi se Bashkimi Evropian e mbështet plotësisht demonstratat masive në Iran dhe dënon, siç tha ajo, “shtypjen e dhunshme” ndaj pjesëmarrësve.
“Rrugët e Teheranit, dhe të qyteteve anembanë botës, ushtojnë nga hapat e grave dhe burrave iranianë që kërkojnë liri. Lirinë e fjalës, të tubimit, të udhëtimit dhe, mbi të gjitha, një jetë të lirë. Evropa i mbështet ata plotësisht. Ne e dënojmë pa mëdyshje shtypjen e dhunshme të këtyre demonstratave legjitime. Përgjegjësit do të mbahen mend në anën e gabuar të historisë”, tha Fon der Lajen në platformën Iks.
Ajo bëri thirrje për lirimin e menjëhershëm të të gjithë demonstruesve të arrestuar, rivendosjen e aksesit në internet dhe respektimin e të drejtave themelore. Agjencia amerikane e lajmeve e aktivistëve për të drejtat e njeriut (HRANA) njoftoi më herët sot se të paktën 65 persona kanë humbur jetën dhe më shumë se 2.300 janë arrestuar në mbarë Iranin gjatë 13 ditëve të fundit, gjatë protestave antiregjim në vend. Agjencia, e cila angazhohet për çështjet e të drejtave të njeriut në Iran, njoftoi se protestat janë regjistruar në 512 lokacione në 180 qytete. (10 janar)