go to the original language article
Brukseli/Ljublana – Kandidatja sllovene për komisionare evropiane për zgjerim Marta Kos kaloi me sukses dëgjimin në komisionin parlamentar për çështje të jashtme (Afet). Gjatë një dëgjimi treorësh ajo si prioritet absolut veçoi mbështetjen për Ukrainën, ndër të tjera kishte objektive dhe për politkën e saj të kaluar. Zgjerimin dhe reformimin e unisë e quajti një kërkesë strategjike.
Një BE më e madhe dhe e reformuar është një kërkesë strategjike, theksoi Kos në prezantimin e saj. Ajo siguroi se nëse aprovohet si komisionare do të ketë objektivin primar mbështetjen e vendeve që dëshirojnë t’i bashkohen BE-së.
Sipas fjalëve të saj për herë të parë pas dhjetë vitesh ekziston një mundësi reale që një ose dy vende të arrijnë në fund të procesit të negociatave. Negociatat e anëtarësimit me Malin e Zi mund të përfundojnë deri në fund të vitit 2026, ndërsa me Shqipërinë deri në fund të vitit 2027, tha ajo.
Ajo gjithashtu njoftoi për një bashkëpunim të ngushtë me Kiev për afrim të Ukrainës me unionin. Kos, e cila si komisionare do të merret edhe me ndihmën për Kiev, theksoi se mbështetja ekonomike, ushtarake dhe politike e Evropës ndihmon jo vetëm ukrainasit, por mbron të gjithë kontinentin evropian dhe rendin botëror të bazuar në të drejtën ndërkombëtare dhe multilaterizmin. Ajo njoftoi se nëse aprovohet, menjëherë pas fillimit të mandatit do të vizitojë Ukrainën.
Dëgjimi gjithashtu u shënua nga akuza për bashkëpunim me shërbimet sekrete jugosllave në të kaluarën, të cilat Kos i hodhi poshtë me vendosmëri. Ajo hodhi poshtë gjithashtu akuzën se vjen nga rrethi i ish presidentit Milan Kuèan dhe kryetarit të bashkisë së Lubjanës Zoran Jankovic, që thuhet se janë pranë presidentit rus Vladimir Putin.
Për dëgjim të suksesshëm dhe konfirmim para komisionit i uruan ndër të tjerë kryeministri slloven Robert Golob dhe presidentja e shtetit Nataša Pirc Musar. (7 nëntor)