go to the original language article
Athina – Rruga e Maqedonisë së Veriut drejt Evropës kalon nëpërmjet Greqisë dhe respektimin e Marrëveshjes së Prespës, tha zëdhënësi i qeverisë greke, Pavlos Marinakis në konferencën e sotme me gazetarët mbajtur në Selanik, raportoi korrespondentja e MIA-së nga Athina.
Duke iu përgjigjur një pyetje gazetareske për perspektivën e BE-së të vendit tonë, për Marrëveshjen e Prespës dhe mundësinë e një takimi mes kryeministrave të dy vendeve, Hristijan Mickoski dhe Kyriakos Mitsotakis, Marinakis komenti se është i kënaqur që e pyetën dhe që ka mundësinë të përgjigjet nga Selaniku, duke përsëritur pozicionet e qeverisë aktuale greke.
Ai kujtoi se partia aktuale në pushtet në Greqi, Demokracia e Re, kur ishte në opozitë nuk votoi për Marrëveshjen e Prespës dhe se atëherë Mitsotakis „tha se sapo të miratohet nuk do të mund të zhbëhet“.
– Respektimi (i Marrëveshjes së Prespës) është një parakusht i domosdoshëm në këtë rrugë, për këtë nuk diskutohet, as nuk do të ndryshojë gjë në këtë konstante dhe pozicion, që është edhe pozicioni ynë kombëtar. Mendoni se sa e justifikuar është qeveria greke dhe personalisht kryeministri që nuk nxitoi, siç kërkonin partitë e tjera në Parlamentin grek, për të ratifikuar memorandume përkatëse, me çka në fakt do t’u kishte dhënë gjithçka, para se fqinjët tanë të kishin bërë minimumin. Presim që ata të bëjnë minimumin dhe atë të dukshmen për të vazhduar me çdo diskutim tjetër, tha Marinakis. (17 tetor)