go to the original language article
Bruksel (ANSA) – Komisioni Evropian ka gjobitur kompaninë mëmë të Facebook-ut për shkelje të rregullave të konkurrencës. Akuzat janë dyfishe: Sipas Pallatit Berlaymont, grupi kalifornian ka shpërdoruar pozitën e tij dominuese në rrjetet sociale për të favorizuar Facebook Marketplace, platformën popullore për të blerë dhe shitur mallra të dorës së dytë.
“Të gjithë përdoruesit e Facebook-ut kanë automatikisht qasje në Facebook Marketplace dhe janë të ekspozuar rregullisht ndaj tij, pavarësisht nga dëshira e tyre”, është argumentimi i Komisionit, sipas të cilit konkurrentët e Facebook Marketplace rrezikojnë të “nxirren jashtë tregut” nëse nuk arrijnë të barazojnë këtë “avantazh të konsiderueshëm”.
Sipas Antitrustit europian, Meta ka imponuar gjithashtu kushte tregtare të padrejta ndaj ofruesve të tjerë të shërbimeve të reklamave online të klasifikuara që reklamojnë në platformat e saj, veçanërisht në Facebook dhe Instagram. Praktika kjo që i lejon Metës të përdorë të dhënat në lidhje me reklamat e gjeneruara nga reklamues të tjerë në përfitim të vetëm të Marketplace.
Nënpresidentja e Komisionit, Margrethe Vestager, ka urdhëruar për t’i “dhënë fund këtij veprimi” i konsideruar “i paligjshëm sipas rregullave antitrust të BE-së”. Shpejt erdhi përgjigjja e Metës, në shënjestër të Brukselit gjithashtu për rregullat e saj mbi përdorimin e të dhënave personale për reklamat e synuara. “Vendimi injoron – sipas gjigantit social të Mark Zuckerberg – realitetet e tregut dhe do të shërbejë vetëm për të mbrojtur marketet historike nga konkurrenca”.
Pallati Berlaymont, shtoi Meta, nuk ka ofruar “asnjë provë të një dëmi konkurrues për rivalët ose të një dëmi për konsumatorët”. Për këtë arsye, ndërsa angazhohet të punojë “në mënyrë të shpejtë dhe konstruktive” për “një zgjidhje që adreson pikat e ngritura”, gjiganti i teknologjisë ka njoftuar dëshirën për të apeluar kundër vendimit të Komisionit (14 nëntor).