Komisioni miratoi një shumë fillestare prej 93 milionë eurosh nga Fondi i Kohezionit për të mbështetur rigjenerimin e parkut bregdetar përgjatë gjirit të Faliros

Komisioni Europian miratoi një shumë fillestare prej 93 milionë euro nga Fondi i Kohezionit (FK) për mbështetjen e rigjenerimit të një parku bregdetar me një sipërfaqe prej 540 hektarësh përgjatë gjirit të Faliros në Athinë. Investimi do të shndërrojë bregdetin e qytetit në një hapësirë të gjelbër, gjithëpërfshirëse dhe të gjallë, sipas parimeve të New European Bauhaus, ndërsa ka potencialin për të rritur turizmin, për të rritur të ardhurat për bizneset lokale dhe për të nxitur zhvillimin ekonomik rajonal, siç deklarohet në një njoftim për shtyp nga Komisioni. Projekti pritet të përfundojë deri në fund të vitit 2028.
Parqet do të jenë të hapura për publikun, falas, me burime që do të përdoren për ta bërë bregdetin më tërheqës dhe për ta shndërruar zonën në një qendër aktivitetesh. Do të ndërtoshin pishina, zona lojërash tematike për fëmijët, hapësira për ngjarje dhe një qendër sportive. Njëkohësisht, objektet e përdorura për Lojërat Olimpike të vitit 2004 do të ripërdoren për aktivitete arsimore dhe kulturore.
Parku dhe aktivitetet e tij do të jenë plotësisht të aksesueshme për Personat me Aftësi të Kufizuar dhe përmes modernizimit të rrugëve, rrjetit të tramvajit dhe shtegjeve, do të lidhen me zonat fqinje. Falë realizimit të rrjeteve të kanalizimeve dhe kolektorëve për ujin e shiut, burimet gjithashtu do të mbështesin kapacitetin kundër përmbytjeve të bregdetit. Mbi 2,900 pemë do të mbillen, ndërsa Burimet e Rinovueshme të Energjisë do të integrohen në përzierjen energjetike të parkut.
Mbështetja e BE-së do të përmirësojë gjithsej cilësinë e jetës për banorët e Athinës, të cilët tashmë mund të kënaqen me aktivitetet arsimore dhe kulturore dhe me shumë objekte të parkut, siç thekson Komisioni.
Komisionerja e Kohezionit dhe Reformave, Elisa Ferreira, theksoi se parku “do të bëhet një tërheqje e re dhe atraksion turistik për qytetin e Athinës. Hapësira e gjelbër do të lidhë qytetarë të të gjitha moshave dhe banorët do të kenë qasje në aktivitete sportive, arsimore dhe krijuese. Projekti, i frymëzuar nga iniciativa e New European Bauhaus, do të jetë një shembull i shkëlqyer se si mund të projektsohen investimet urbane në një mënyrë të qëndrueshme, estetike dhe gjithëpërfshirëse”.