Šekerinska: Në iniciativat për mbrojtjen, BE duhet të përfshijë aleatë që nuk janë anëtarët e saj

Brukseli – Bashkimi Evropian në nismat e tij mbrojtëse duhet të përfshijë sa më shumë aleatë, të cilët nuk janë anëtarë të Bashkimit, tha zëvendës sekretarja e përgjithshme e Aleancës, Radmila Shekerinska në një adresim para Komitetit për Sigurinë dhe Mbrojtjen të Parlamentit Evropian (SEDE). 

Shekerinska theksoi se në kontekstin aktual të sigurisë, ku Evropa përballet me paqëndrueshmëri dhe kërcënime nga shumë drejtime, “detyrimi ynë më i shenjtë është të mbajmë njerëzit tanë të sigurt”. 

Ajo theksoi se NATO dhe BE janë partnerë natyralë dhe të pazëvendësueshëm dhe prandaj është e rëndësishme të vazhdojë forcimi i bashkëpunimit të tyre të ndërsjellë, duke përshëndetur Planin “Riboçja e Evropës” të Komisionit Europian, rritjen e investimeve në mbrojtjen nga anëtarët e Bashkimit, si dhe mbështetjen evropiane për Ukrainën. 

Shekerinska theksoi se Bashkimi Evropian mund të përdorë potencialin e saj unik ekonomik për të forcuar prodhimin mbrojtës, inovacionet dhe mobilitetin ushtarak në përputhje me planet ushtarake, kapacitetet dhe standardet e NATO-s. 

Ajo përshëndeti nismat në nivel evropian dhe kombëtar për rritjen e shpenzimeve për mbrojtjen dhe për forcimin e kapaciteteve dhe gatishmërisë, ndërsa njëkohësisht theksoi se marrëdhëniet transatlantike mbeten themeli i sigurisë evropiane. Në adresimin e saj përpara eurodeputetëve, ajo theksoi edhe nevojën për një “shtyllë evropiane më të fortë brenda një NATO të fortë”. (21 Mars 2025)