Shtëpia Evropiane – Kriva Palanka shënoi Javën Evropiane të Mobilitetit

Крива Паланка – Me një ligjëratë për të rinjtë mbi përdorimin e llojeve të ndryshme të transportit alternativ dhe një turne alpinistik nëpër Male të Osogovës, Shtëpia Evropiane – Kriva Palanka shënoi Javën Evropiane të Mobilitetit.

– Realizojmë aktivitete me dhe për të rinjtë për të shënuar të gjitha datat e rëndësishme që mund t’i rrisin ndërgjegjësimin dhe të kontribuojnë për ndryshime pozitive në fusha të ndryshme. Me rastin e Javës Evropiane të Mobilitetit sot të rinjtë u njohën me përfitimet e ecjes, çiklizmit ose skuterit elektrik, në vend që të përdorin makinat, që nga njëra anë është shumë më ekonomike, nga ana tjetër, nuk ndikon në mjedisin e jetesës, dhe përfitime dhe përparësi shëndetësore gjithashtu gëzojnë edhe vetë të rinjtë, thonë nga Shtëpia Evropiane Kriva Palanka.

Në ngjarje u theksua nevoja për reduktimin e mjeteve të transportit, për siguri më të madhe në rrugë, më pak zhurmë, më pak ndotje të ajrit dhe cilësi më të mirë të jetës. – Për të inkurajuar njerëzit të ecin më shpesh dhe të vozisin biçikleta, duhet të ketë më shumë infrastrukturë të dedikuar cilësore dhe rregulla trafiku që i japin përparësi këmbësorëve dhe çiklistëve. Autoritetet publike kanë mjete për të zbatuar ndryshime në politikat dhe infrastrukturën që mbështesin kalimin në mobilitet të qëndrueshëm. Por duhet të theksojmë, qytetet ku jetojmë janë të formuara nga zgjedhjet individuale që bëjmë, prandaj duhet të punojmë së bashku për të përmirësuar hapësirën tonë publike të përbashkët, vënë në dukje nga Shtëpia Evropiane Kriva Palanka.

Aktiviteti kryesor me rastin e Javës Evropiane të Mobilitetit në organizim të Shtëpisë Evropiane ishte ngjarja “Eko-alpinizmi: Të eksplorojmë llojet alternative të mobilitetit” që u mbajt dje. Ngjarja ishte organizuar në bashkëpunim me klubin alpinistiko-sportiv “Kalin Kamen” nga Kriva Palanka që udhëhoqi rrugën e ecjes nëpër shtegun rekreativ “Ujëvarat Staneçki”, me vizitë të peizazheve të mrekullueshme në fshatrat Stançi dhe Duracka Reka, një trajnim i shkurtër për të rinjtë fillestarë që duan të ngjiten dhe ngjitje drejt lokalitetit turistik Kalin Kamen. Morën pjesë rreth 50 pjesëmarrës, të rinj nga Kriva Palanka, si dhe alpinistë nga Kumanova dhe Shkupi. (23 shtator)