“Unë jam tragjikisht optimist për të ardhmen, për të ardhmen e Shqipërisë, vendi i së cilës është pa dyshim në Europë dhe do të luftojmë çdo ditë dhe na është hapur tashmë një rrugë e re”, deklaroi Rama duke iu referuar faktit që Shqipëria më 15 tetor hapi negociatat për grup-kapitujt e parë me Bashkimin Evropian.
Në një dalje të përbashkët për mediet me ambasadorin Gonzato, Kryeministri shqiptar Edi Rama deklaroi se “përtej të gjitha polemikave të brendshme Raporti i Progresit 2024 për Shqipërinë bën një vlerësim të lartë të zbatimit të reformës në drejtësi”.
Rama tha se ka një plan shumë ambicioz, sepse siç tha ai, “duam që Shqipëria të jetë gati dhe të ketë përmbushur të gjitha objektivat dhe të ketë goditur të gjitha shënjestrat që ka procesi përpara vitit 2030”.