“Pesë nga gjashtë grupkapitujt negociues tashmë janë hapur dhe po punohet për hapjen e grupkapitullit të fundit. E gjithë kjo është arritur me një shpejtësi të jashtëzakonshme dhe përgëzoj autoritetet shqiptare për këtë rezultat të shkëlqyer”, tha Gonzato.
Me hapjen e grup-kapitullit të Agjendës së Gjelbër, Shqipëria do të forcojë kapacitetin energjetik dhe sistemet e transportit, duke avancuar veprimet për klimën.
Seanca plenare u fokusua në sigurinë dhe qëndrueshmërinë demokratike të Evropës, duke adresuar të dyja imperativat imediate – siç është mbështetja e Ukrainës në përpjekjen e saj për një paqe të drejtë dhe të qëndrueshme – dhe sfidat afatgjata.
Kos e cilësoi objektiv ambicioz por të realizueshëm synimin e Shqipërisë për anëtarësim deri në vitin 2030.
Palët lançuan edhe sesionin e parë të Dialogut për Sigurinë dhe Mbrojtjen, i cili vjen në kuadër të Partneritetit për Siguri dhe Mbrojtje, të nënshkruar më parë, në dhjetor 2024, midis Shqipërisë dhe BE-së.