Бугарија ќе се приклучи кон одлуките на ЕУ за прекинување на договорите за користење и транзит на руски гас

ЊУЈОРК/БРИСЕЛ – Бугарија, како дел од Европската унија, ќе се приклучи на одлуките на ЕУ за тоа во краткорочен аспект, до 2026 година, да бидат прекинати договорите за користење или за транзит на руски природен гас. Ова го изјави бугарскиот премиер Росен Желязков, кој ја води бугарската делегација на 80. редовна сесија на Генералното собрание на Обединетите нации (ОН) во Њујорк, соопштија од владината прес-служба.

“Откако отпадна дерогацијата, за која толку многу инсистиравме, во локалниот “Нефтохим” не се преработува руски нафта”, рече Желязков.

“Ние веќе сме контактирале за октомври и ноември и тоа под многу добри услови за втечнет природен гас од САД и нашата пазарна понуда целосно располага со потребниот природен гас и тоа по конкурентни цени“, додаде премиерот.

Европската комисија предлага ЕУ да го прекине увозот на ископаеми руски горива, независно од развојот на војната во Украина, изјави во понеделник гласноговорник на комисијата на прес-конференција во одговор на прашања. Тој забележа дека во листата со новите санкции против Русија се предвидува само запирање на увозот на руски втечнет гас.

Кога ќе има мир во Украина, санкциите можат да бидат укинати. Предлогот на ЕК (за запирање на увозот на горива од Русија) се однесува и на нафтата и не е ограничен во времето, објасни тој во врска со насоките на комисијата за развој на обновливата енергија во ЕУ.

Колку побрзо го прекинеме увозот на горива од Русија, толку подобро, коментираше гласноговорникот. Според неговите зборови, предлогот за запирање на увозот на втечнет руски гас до 2027 година е изводлив, бидејќи во последните месеци на пазарот се појавија нови добавувачи. Тој уточни дека предложените нови санкции не се однесуваат на увозот по нафтопроводот “Дружба” до Унгарија и Словачка. Советот на ЕУ и Европскиот парламент ќе проценат дали предлогот на ЕК, поврзан со обновливата енергија, да биде проследен напред, посочи тој.

Бугарија го прекина увозот на руски природен гас во април 2022 година, кога владата го одби барањето на “Гаспром” да биде плаќан во рубли. (22-24 септември)