Во Љубљана за можностите за соработка со Кина во автомобилската индустрија

Љубљана – Во рамките на Денови на добавувачи на автомобилската индустрија, кои овие денови се одржуваат во Љубљана, словенските компании се претставија на кинеските. Министерот за економија, туризам и спорт Матијаж Хан е уверен дека кинеските компании ќе ги препознаат предностите на словенските партнери и одличната геостратешка положба на државата.

Ова го истакна неодамнешното гласање на Словенија против воведувањето на дополнителни царини на увозот на електрични возила, произведени во Кина, во земјите на Европската унија. “Тоа не го направивме поради Кина, туку поради Словенија. По консултациите со индустријата и нашите најголеми партнери одлучно го направивме она што според моето мислење е во моментов единствено правилно,” рече тој.

“Глобалната автомобилска индустрија, поради преминот кон безглеродна општество, се наоѓа на историска пресвртница. Верувам дека може да ја надминеме релативно безбедно. Секако, предизвиците ги придружуваат и големи деловни можности,” рече тој. Словенија може, според него, да биде исто толку самоуверена како Кина, бидејќи има знаење, искуство и квалитетно производство. Сепак, за постигнување соодветна конкурентност е неопходно да се постигнат промени на нивото на ЕУ, нагласи тој.

Кинескиот амбасадор во Словенија Ванг Шунквинг се согласи дека односите меѓу двете земји се добри, што е основа за зајакнување на економската соработка. Одлуката на Словенија да гласа против дополнителни царини на увозот на кинеските електрични автомобили во ЕУ ја цени. Му е драго исто така, што Европската комисија изрази подготвеност за преговори на оваа тема. “Се надевам дека Словенија како член на ЕУ ќе продолжи да игра конструктивна улога во тоа што ЕУ да обезбеди стабилен и здрав развој на соработката со Кина,” додаде тој. (8. октомври)