Have the article read by OpenAI (Beta). Please note that AI translations may take some time to process.Скопје – Словенија е искрена, пријателска земја, силен поддржувач на евроинтеграциите, оцени претседателот на Собранието, Африм Гаши на средба со специјален претставник на Словенија за Западниот Балкан, Анжеј Франгеш.
Како што соопшти собраниската прес-служба, Гаши изразил благодарност за заложбите на Словенија да назначи специјален претставник за Западниот Балкан, со што ја потврдува својата посветеност на европската перспектива на земјите од регионот, вклучително и нашата земја.
– Особено се ценат нејзините заложби за одржување на прашањето за проширувањето високо на агендата на Европската Унија. Влезот на Западен Балкан во ЕУ треба да се случи што поскоро, затоа што и Балканците се Европејци и тоа е во корист не само на овие земји, туку и на самата Унија. Во таа насока, прашањето за уставните измени како пречка за влез во големото европско семејство треба да се реши што поскоро, а реформскиот процес да продолжи. Помошта и поддршката од посебниот советник Франгеш е добредојдена како одличен познавач на Регионот, се наведува во оопштението.
Франгеш на претседателот на Собранието Гаши му посакал успешна работа во новиот мандат, истакнувајќи дека парламентарната демократија е многу важна.
– Соговорниците оставија отворена врата за соработка, со почести средби и поактивна улога во наредниот период, се додава во соопштението. (4 јули)
MIA е одговорна за уредувањето за оваа публикација.