Have the article read by OpenAI (Beta). Please note that AI translations may take some time to process.Брисел – Министерите за надворешни работи и надворешна трговија Тимчо Муцунски и за европски прашања Орхан Муртезани денеска во Брисел остварија средба со високата претставничка на ЕУ за надворешни работи и безбедносна политика Каја Калас.
Како што соопшти МНРиНТ, средбата се одржала во рамки на нивната работна посета на Брисел, а во контекст на континуираната посветеност на државата кон европскиот интегративен процес и заедничките напори за продлабочување на партнерството со Унијата во областа на безбедноста и одбраната.
– Муцунски и Муртезани ја потврдија посветеноста на реформите, европската агенда и унапредувањето на соработката со ЕУ во доменот на безбедноста и одбраната. Тие ја реафирмираа и целосната усогласеност со Заедничката надворешна и безбедносна политика на ЕУ, поддршката за Украина, како и значењето на регионалната поврзаност и стратешките инфраструктурни проекти, меѓу кои и Коридор 8, стои во соопштението на Министерството.
Двајцата министри упатиле порака за важноста од предвидлива, фер и опиплива европска перспектива за целиот регион, нагласувајќи дека забрзаната и фер динамика на процесот ќе придонесе за зајакнување на кредибилитетот на проширувањето, демократската отпорност и безбедноста на регионот и Европа, додаваат од Министерството. (2 декември 2025)
MIA е одговорна за уредувањето за оваа публикација.