Претседателот на Европскиот совет Антонио Коста информираше во четвртокот дека државите кои формираат т.н. коалиција на желни преземаат мерки за зајакнување на гаранциите за безбедност на Украина. Како што нагласи, поддршката вклучува воздушна, морска, копнена одбрана, како и обнова на вооружените сили на оваа земја.
Kоста истакна дека коалицијата „не само што сака, туку и е во состојба да ја обезбеди“ таа поддршка. Додаде дека паралелно се работи на нови санкции против Русија. „Русија мора веднаш да престане со убивањето“ – нагласи во објавата на платформата X.
Шефот на Европскиот совет најави и дека во четвртокот ќе учествува во Ужгород на конгресот на регионалните власти покрај претседателот на Украина Володимир Зеленски. Како што нагласи, сака таму да оддаде почит на “отпорноста на украинските региони и локалните заедници”.
Претседателот на Франција Емануел Макрон изјави во четвртокот по состанокот на коалицијата желни во Париз дека американската поддршка за гаранциите за безбедност на Украина ќе биде финализирана во наредните денови. Макрон се изјасни на прес-конференција со претседателот Зеленски. (04.09.2025)