Kos и Kallas порачуваат: Фокус на реформите за европската иднина на БиХ

Сараево, (Fena) – Висока претставничка за надворешни работи и безбедносна политика и потпретседателка на Европската комисија Kaja Kallas, и комесарката за проширување Marta Kos по повод 30-годишнината од Дејтонскиот мировен договор, со кој беше завршена три и пол годишната војна во Босна и Херцеговина, оценија дека тој договор стави крај на едно од најмрачните поглавја на Европа и обезбеди мир кој трае до денес.

– Сепак, триесет години подоцна, во Босна и Херцеговина сè уште се присутни нерешени предизвици од минатото. И покрај политичките пречки во текот на оваа година, земјата ја сочува својата отпорност. Останувањето на патот кон членство во ЕУ, како единствена, суверена земја во стабилен и безбеден регион, мора да остане крајна цел. Сите политички лидери треба да се фокусираат на реформите потребни за напредок – изјавија тие во заедничката изјава.

Тврдат дека ЕУ е подготвена да обезбеди мир и стабилност во Босна и Херцеговина и дека воената операција, EUFOR Althea, останува клучен инструмент во таа насока.

– Триесет години по Дејтон, Босна и Херцеговина мора да ја искористи можноста да ја обликува својата европска иднина – заклучија тие.