Оваа соработка, како што рече Рокас, е демонстрација на трајното партнерство кои постои меѓу двете нации и нивната заедничка визија за стабилна, просперитетна и европска иднина.
Потполно сме свесни за пречките коишто стојат пред нас и коишто не превенираат од отворање на преговорите за да станеме полноправна членка на Европската Унија, како што потполно сме свесни за моментот којшто диктира дека брзо мора да најдеме решение за да го истрчаме овој последен дел од 20-годишниот маратон, рече Муртезани.
Премиерот веќе на двапати беше во Брисел во декември, така што има интензивна дипломатска активност во овој момент, меѓутоа, паралелно со овие дипломатски напори за надминување на прашањето со Бугарија, нашиот фокус ќе биде да се фокусираме на спроведување и испорака на реформите кои произлегуваат од Реформската агенда која неодамна беше усвоена од вашата Влада, нагласи евроамбасадорот.
Јас не добивам од страна на моите соговорници контрааргументи, бидејќи контрааргумент не е знаеш треба 27 да одлучат. Зборувам за план, којшто не е план само за првиот чекор. Јас сум подготвен да разговарам за план, којшто нас ќе не однесе до крајот, бидејќи ние како држава не сме како сите кандидати, морате тоа да го признаете. Затоа што ние повеќе од две и пол децении сме дел од овој процес. Скоро две децении сме кандидати и никој досега немал билатерални договори во својата преговарачка рамка, изјави Мицкоски.
Мицкоски рече дека „влијателен премиер на држава“, кажал дека и во 2004 година кога имало голем бран на проширување на ЕУ, може да се каже дека ниту една од тие земји коишто станаа членки, не ги исполнуваа критериумите согласно поглавјата, согласно кластерите. Но, премиерот, како што рече Мицкоски, предочил дека постоела храбра политичка одлука пакетот да се затвори, односно сите тие земји да станат членки на ЕУ.