Проширувањето не ја прави ЕУ само поголема по бројот на квадратни километри и по бројот на луѓе. За мене тоа е многу повеќе. Туку станува збор за обединување на Европа, па затоа со зголемување на поддршката на сите оние кои вложуваат напорна работа за да ги исполнат условите за членство, ние сме на патот да ја обединиме нашата Европа, додаде Кос.
Сега имаме една единствена порака – дојде време да се здружиме, да бидеме обединети и да продолжиме со проширувањето како еден од главните приоритети на данското претседателство, заклучи Деилер Кардел.
Се согласувам дека сите ние мора да се грижиме за помирувањето и добрососедските односи, не само Северна Македонија, не само Бугарија, туку сите ние. Но, тоа не е можно без да разговараме едни со други, додаде Кос.
Политиките на ЕУ кон Западниот Балкан се лакмусов тест за нејзината глобална амбиција. За ЕУ да делува одлучно тука, тоа не е само стратешки туку и геополитички императив, рече Димитровски.
Според мојата перцепција, мислам дека ние сме повеќе соочени со дискретна стагнација, а не со очигледен напредок. Потенцијалните земји членки треба да исполнат одредени критериуми кои што се неопходни за пристапување во ЕУ, а и убеден сум дека иновациите во поновата историја на Европа се всушност дел од процесот на европската интеграција, рече претседателот на Фондацијата Конрад Аденауер, Норберт Ламерт