Have the article read by OpenAI (Beta). Please note that AI translations may take some time to process.Скопје – Вашингтон не дава гаранции за вашиот пат кон Европската Унија, бидејќи ние не сме членка на Унијата, порача денеска во Скопје американската амбасадорка Анџела Агелер.
– Мислам дека за тоа се водат и се воделе разговори со високите претставници на ЕУ, но мило ми е што премиерот и членовите на неговиот Кабинет се во Вашингтон. Фактот што тој е неколку пати таму откако ја презема неговата позиција како премиер, исто како и многу други министри, само зборува за блискоста на нашите односи и на многу начини покажува дека ние како САД и Северна Македонија билатерално може да соработуваме. Очекувам таа соработка да биде зајакната, рече Агелер во одговор на новинарско прашање по примопредавање на мобилно оперативно возило за Црвениот крст, кое е донација од Амбасадата на САД во Скопје.
Прашана како ќе се одрази одлуката на американскиот претседател Доналд Трамп за замрзнување на програмите на УСАИД, Агелер рече дека се уште не знае како тоа ќе влијае на идната американска поддршка на развојот на Северна Македонија.
– Ова е процес што е во тек и јас не знам како ќе се одрази на нашата идна поддршка на развојот. Сепак можам јавно и приватно да и кажам на Владата и на нашите партнери дека ние сме тука. САД не си одат и правиме фантастични партнерски настани, каков што е денешниот со примопредавањето на специјалното возило, рече Агелер. (19 февруари)
MIA е одговорна за уредувањето за оваа публикација.