БЕ е ангажирана за продлабочување на реформите и за борба против корупцијата во Албанија

Амбасадорот на Европската Унија во Тирана, Силвио Гонзато имаше состанок со новата претседателка на Собранието на Албанија Елиса Спиропали на кој разговараа за важноста на способноста на Парламентот за целосно да ја извршува својата улога во процесот на приклучување на Албанија во ЕУ и за обезбедување силен консензус низ целиот политички спектар околу тоа.

Страните на состанокот се согласија дека е потребен ефикасен и транспарентен парламент, отворен за своите граѓани, способен за спроведување на потребните реформи и ефикасен во вршењето на надзорот над извршната власт.

Во овој контекст, ЕУ ќе продолжи да се ангажира со Националниот совет за Европска интеграција, Комисијата за прашања на ЕУ и ќе го зголеми техничкото соработување со Собранието.

Гонзато ја потврди на Спиропали дека ЕУ ќе се ангажира со специјалните парламентарни комисии – за продлабочување на реформите за добро управување, владеење на правото и антикорупција, како и за борба против дезинформацијата и други форми на странско мешање во демократскиот процес – со цел да се обезбеди целосна кохерентност со заложбите на Албанија за членство во ЕУ./ (6 септември)