Колеџот на Европа во Тирана прима 32 студенти од 21 европска земја

На кампусот на Европскиот колеџ во Тирана се организираше церемонија за добредојде на 32 студенти од 21 различна европска земја, кои ќе студираат во албанската престолнина за академската година 2024-25.

На церемонијата за отворање на кампусот на колеџот, сместена во зградата „Лирија“ покрај студентскиот град во Тирана, присуствуваа амбасадорот на ЕУ, Силвио Гонзато, градоначалникот на Тирана, Ерион Велиај, ректорката на Европскиот колеџ, Федерика Могерини и министерката за образование и спорт, Огерта Манастирлиу.

Град Тирана, покрај придонесот во создавањето на добри услови за студентите, придонесе и со три стипендии за тројца одлични млади Албанци.

Амбасадорот на Европската унија во Тирана, Силвио Гонзато изјави дека оваа разновидна генерација, која претставува 21 европска земја, ќе помогне во градењето на мостовите што ни се потребни за посилна и пообединета Европа.

32-та студенти кои се дел од Европскиот колеџ ќе ги следат студиите во областа на Европските трансформации и студиите за интеграција (ЕТИ)./ (9 септември)