Have the article read by OpenAI (Beta). Please note that AI translations may take some time to process.Скопје – Министерот за европски прашања, Орхан Муртезани, по добиеното овластување на седница на Владата на Република Северна Македонија, го потпиша барањето за претфинансирање од 7 проценти во рамките на Реформската агенда на земјата од Планот за раст на ЕК за Западниот Балкан, информираат од Министерството за европски прашања.
Со испраќањето на ова барање за сума од 52,5 милиони евра, додаваат оттаму, Северна Македонија станува првата земја во регионот која ги презема сите неопходни чекори за претфинансирање во рамките на новиот европски финансиски механизам.
– Европската Унија предвидува седум проценти од вкупните средства од Планот за раст на Европската комисија за сите партнери од Западен Балкан, по усвојувањето на нивните реформски агенди, обезбедувајќи ги средствата како претфинансирање. Оваа финансиска програма, со вредност од шест милијарди евра, ги опфаќа годините 2024-2027 и има за цел двојно да го зголеми економскиот раст на регионот во наредните десет години, појаснуваат од Министерството за европски прашања.
Од оваа институција нагласуваат дека остануваат посветени на ефикасното искористување на достапните средства за поддршка на европските интеграции и економскиот развој на земјата. (13 ноември)
MIA е одговорна за уредувањето за оваа публикација.