go to the original language article
Будимпешта – Доколку ЕУ предложи зголемување на финансиската помош за Украина по намалувањето на поддршката од страна на САД, и тоа на сметка на државите членки, Словачка “не би требало да учествува во такви игри”. По завршувањето на неформалниот самит во Будимпешта тоа го изјави премиерот на СР Роберт Фицо, информира посебниот известувач на ТАСР.
“Доколку дојдат предлози за зголемување на финансиската помош на сметка на државите членки на ЕУ само затоа што големиот поддржувач (САД) се повлекува, Словачка не би требала да учествува во такви игри, затоа што конфликтот нема воено решение,” изјави премиерот.
Според премиерот, актуелната стратегија на ЕУ е дека “Украина мора да ја добие оваа војна и дека Русија мора да ја изгуби. Исто така ЕУ има стратегија да ја поддржува Украина воено и финансиски, за да биде доволно силна при преговори.”
Сепак, тој им напомена на своите партнери дека според него ниту една од овие стратегии не функционира. Тоа се “убави стратегии, но ниту една не функционира”. Според Фицо, јасно е дека на Украина не и оди добро воено и дека “санкциониот систем не ја оштети Руската федерација како што се очекуваше, и дека (рускиот претседател Владимир) Путин има рекордна поддршка”.
Фицо изјави дека во моментот не е јасно каква политика кон Украина ќе заземе новиот американски претседател Доналд Трамп. Премиерот не мисли дека Трамп ќе го реши украјинскиот конфликт преку сила. Повеќе може да оди по пат на компромис или намалување на поддршката за Украина. Тековните стратегии на ЕУ по намалувањето на поддршката од страна на САД според него нема да бидат актуелни. “Не можам сосема да замислам дека ЕУ ќе ја преземе целата тежина на поддршката на војната во Украина,” констатираше Фицо.
Премиерот исто така рече дека реален интерес за завршување на војната денес имаат новиот американски претседател и Кина со Бразил, кои имаат заеднички план. ЕУ според него треба да се приклучи на овие актери и да направи напори за постигнување на мир кој ќе одговара на сите вклучени страни.
Во врска со прашањето на конкурентноста на ЕУ, кое беше една од главните теми на самитот во Будимпешта, премиерот изјави дека какви било планови на ЕУ не можат да ги ограничат социјалните стандарди и словачката индустрија, која е изградена на производство на автомобили. Целите на ЕУ во областа на електромобилноста според премиерот се нереални, бидејќи во Унијата недостасува потребната инфраструктура. Тој исто така декларираше дека е потребно парите на европските граѓани да не одат преку инвестиции во САД, туку да бидат инвестирани во европски проекти. (8. ноември)