Хрватска е меѓу најдобрите во повлекување средства за обновување

ЗАГРЕБ – Хрватска е меѓу најбрзите членки на ЕУ во исполнување на клучни етапи и целни вредности и во добивање на исплати од Фондот за опоравување и отпорност, рече членката на Европскиот ревизорски суд Ивана Малетиќ во среда во разговор со претседателот на Хрватскиот сабор Горан Јандроковиќ.

Малетиќ го информираше претседателот на Собранието за Годишниот извештај на Европскиот ревизорски суд за 2023 година, со посебен осврт на тематските извештаи за Фондот за опоравување и отпорност и индустриската политика на Европската унија.

“Според извештајот на Судот за апсорпција на средствата од Фондот за опоравување и отпорност, Хрватска е меѓу најбрзите членки на ЕУ во исполнување на клучни етапи и целни вредности и во добивање на исплати од Фондот”, пренесува Собранието во соопштението зборови на Малетиќ.

Понатаму, истакна хрватската членка на Европскиот ревизорски суд, “по прв пат од 2017 година Република Хрватска не беше во примерокот на држави за проверка на стапките на грешки во кохезиската политика, бидејќи системот во претходните години беше оценет како квалитетен и без квантитативни грешки”.

Јандроковиќ го изрази задоволството од позитивните показатели на извештајот за Хрватска кога станува збор за користењето на средствата од Фондот за опоравување и отпорност, како и дека во изминатите шест години Хрватска ефикасно ги исполнуваше обврските поврзани со кохезиската политика.

Годишниот извештај на Европскиот ревизорски суд за 2023 година ќе биде, заедно со издвоените тематски извештаи, детално претставен на денешната заедничка тематска седница на собраниските одбори за финансии и државен буџет, европски работи, регионален развој и фондови на ЕУ, економија и за земјоделство. (13 ноември 2024 година)