Бретон го предупреди Маск

БРУКСЕЛ – Комесарот на Европската комисија за внатрешниот пазар Тијери Бретон му порача на милијардерот Илон Маск во писмо во понеделникот дека мора да ги почитува законите на Европската унија пред интервјуто на Маск со американскиот претседателски кандидат Доналд Трамп на социјалната платформа X.

Интервјуто, закажано два часа по полноќ во вторник по средноевропско време, ќе биде достапно и за корисниците во Европската унија, напиша Бретон.

“Во тој контекст, принуден сум да ве потсетам на должната грижа кон обврските од Законот за дигитални услуги (DSA)”, додаде тој

“Обврските на DSA се применуваат без исклучок или дискриминација за модерирање на целата заедница на корисници и содржина на X (вклучувајќи ве вас како корисник со повеќе од 190 милиони следбеници), достапни за корисниците во Европската унија и тие треба да се почитуваат со пристап заснован на ризикот од DSA, кој бара поголемо внимание во случај на можност за зголемување на профилот на ризик”, напиша Бретон.

DSA бара многу големите интернет платформи да направат повеќе за да го сузбијат незаконската содржина и ризиците по јавната безбедност.

Европските технолошки регулатори минатиот месец пресудија дека X го прекршил DSA и ги измамил своите корисници со користење на сини чекови. (12. август 2024 година)