Масрали: ЕУ планира да статусот на мостот на Ибру го стави на дневен ред на дијалогот помеѓу БГ и ПР

БРИСЕЛ – Европска унија планира да „статусот на мостот“ на Ибра во Косовска Митровица го стави на дневен ред на следниот состанок во рамките на дијалогот меѓу Белград и Приштина, изјави портпаролката на Европската комисија Набила Масрали. Таа на брифинг за новинарите во Брисел, на прашањето на Танјуг дали и кога ЕУ планира нов состанок во рамките на дијалогот и дали ќе се разговара за мостот на Ибра, истакна дека прашањето за мостот е дел од дијалогот, иако Владата на Приштина постапува спротивно.

„Ова е дел од дијалогот, и покрај фактот што владата на Косово постапува спротивно. ЕУ планира да го стави статусот на мостот на дневен ред на следниот состанок во рамките на дијалогот“, рече Масрали. Таа додаде дека навремено ќе биде соопштено кога ќе се одржи новата рунда дијалог меѓу Белград и Приштина.

Главниот мост на Ибра ја дели Косовска Митровица на јужен дел од градот, каде што живеат Албанци, и северен дел, каде 95 проценти од населението се Срби. Албанците повеќепати преку тој мост се обидувале да упаднат во северниот дел од градот каде живеат Срби, поради што доаѓало до конфликти, а мостот постојано го чуваат италијанските карабинери од составот на КФОР. Властите во Приштина најавуваат негово отворање, на што остро се спротиставија ЕУ, ОБСЕ, ЕУЛЕКС, КФОР, САД наведувајќи дека таа тема мора да биде дел од дијалогот меѓу Белград и Приштина со посредство на ЕУ.(13. август)