Париз најавува заострување на мерките за имиграција

Париз – Францускиот премиер Мишел Барние во вторникот повика на спроведување “без одлагање” на Европскиот пакт за миграција и азил, кој беше усвоен во мај оваа година, наменет за зајакнување на борбата против нелегалната имиграција во Европската унија.

Миграциските и интеграциските политики веќе не се контролираат на “задоволителен начин”, изјави тој во вторникот за време на неговата изјава за општата политика, најавувајќи нивното заострување.

Тој особено планира да воведе “поефикасен третман” на барањата за азил или да го олесни “исклучителното продолжување на задржувањето на странците во нерегуларна ситуација, за подобро да се спроведат обврските за напуштање на француската територија (OQTF)”. И не ја исклучува можноста за намалување на визите кон земјите кои не сакаат да ги преземат своите државјани.

„Франција ќе продолжи, предупреди тој, колку долго е потребно, да воведува контроли на нејзините сопствени граници“, како што предвидуваат некои исклучоци во европските прописи и како што Германија го направи на средината на септември. (1^ви октомври 2024 година)