EU4Culture ја реновира зградата на Театарот за кукли, важен дел од историјата на Албанија

Присутен на инаугурацијата на Куклениот театар, амбасадорот на ЕУ во Албанија, Силвио Гонзато изјави дека проектот на Европската Унија за Култура (EU4Culture) е еден од најважните за ЕУ, бидејќи не само што реновира згради, туку овие реновирања донесуваат директни придобивки за граѓаните.

„Тука станува збор за повеќе од само за Куклениот театар. Станува збор за зграда со историја и реставрираме споменици“, изјави Гонзато.

За амбасадорот на ЕУ, процесот на интеграција не се однесува само на правилниците и економијата, туку на трансформацијата на целото општество, со еднаквите права кои треба сите да ги уживаат.

Гонзато ги покани Албанците да не го губат идентитетот.

„Силата на ЕУ лежи во разновидноста“, посочи тој.

„Ние носиме таленти, различни култури и историја. Сме не само обединети, но и разновидни. Сите овие промени кои имаме доаѓаат под еден заеднички именилац и тие се вредностите на Европската Унија“, изјави амбасадорот Гонзато.

Зградата на Националниот куклен театар била изградена во 1924 година.

Првично служела како седиште на Парламентот на Албанија.

Историската зграда на Куклениот театар сега има консолидирана структура, според стандардите на ваквите институции во светот. Сцената е мобилна и со осветлувачки систем кој ги следи динамиките на сцената./ /26 декември/