Муртезани посочил дека Владата е целосно посветена на продлабочување на реформите во владеењето на правото, ефикасноста на јавната администрација и зајакнувањето на демократските институции, во тесна соработка со Европската комисија.
Муртезани, исто така, ја истакна важноста од натамошна шпанска поддршка за принципот на заслуги и неполитизирање на пристапниот процес, со оглед на потенцијалните регионални предизвици кога би се билатерализирал европскиот процес.
Министерот за европски прашања додаде дека Реформска агенда не е инструмент што се подготвува за надворешна употреба, туку е национална рамка за структурни реформи, во согласност со европските политики, но насочена кон домашна трансформација.
Министерот Муртезани престојува во работна посета на Брисел, каде, според најавите, ќе има средби со претставници на Европскиот парламент, Европската комисија и Генералниот директорат за проширување и источно соседство (ГД ЕНЕСТ).
На Форумот Северна Македонија официјално ќе го преземе претседавањето со Јадранско-јонската иницијатива од Грција, првпат откако земјата стана дел од овие формати за регионална соработка.