Во Киев во понеделник А. Коста и фон дер Лајен

Во знак на солидарност кон Украина и по повод трите години од руската инвазија, Претседателот на Европскиот Совет, Антонио Коста, објави дека ќе замине во Киев во понеделник, заедно со Претседателката на Комисијата, Урсула фон дер Лајен.

„Понеделник, 24 февруари, е трета годишнина од руската инвазија со целосен размер на Украина. Одлучив да бидам во Киев по овој повод, со Урсула фон дер Лајен, за да ја потврдиме нашата поддршка на херојскиот украински народ и на демократски избраниот претседател Зеленски“, изјави во објавата на „Х“, Антонио Коста.

Претседателката на Европската Комисија Урсула фон дер Лајен веќе објави оваа недела дека ќе патува исто така во Украина во понеделник со целото колегиум на Европските Комисионери.

„Украина е демократија, Русија на Путин не е“, изјави претставник на Европската Комисија

„Украина е демократија, Русија на Путин не е“, изјави денес претставник на Европската Комисија, повикан да ги коментира изјавите на американскиот претседател Доналд Трамп кој го нарече украинскиот претседател Зеленски „диктатор“.

„Имаме многу јасна позиција во однос на ова: претседателот Зеленски беше легитимно избран на слободни, фер и демократски избори. Украина е демократија, Русија на Путин не е“, додаде претставникот на Комисијата Стефан де Керсмакер. (20/2/2025)