Германија и Обединетото Кралство со нови амбасадори во Словенија

Љубљана – Новата германска амбасадорка во Словенија Силвија Гронике во својот четиригодишен мандат ќе се стреми пред се за зајакнување на германско-словенечката соработка во областа на заштитата на климата и проширувањето на Европската унија на Западниот Балкан. Важноста на интеграцијата на оваа регија во евроатлантските врски ја истакна и новата британска амбасадорка во Словенија Викторија Харисон.

“Климатската криза е централниот предизвик на овој век. Германија и Словенија како индустријализирани земји се соочуваат со истата задача: да ги трансформираат нашите индустрии во климатски неутрални. Сакам да ја забрзам оваа трансформација со блиска германско-словенечка економска соработка,” истакна Гронике.

Заедно со Словенија, новата германска амбасадорка планира да се залага и за интеграција на Западниот Балкан во ЕУ. “Германија и Словенија се едногласни кога станува збор за интеграција на Западниот Балкан во ЕУ – мораме да постигнеме напредок во проширувањето на ЕУ. Во исто време, проширувањето мора да оди паралелно со реформата на ЕУ, за ЕУ да биде поефикасна,” рече таа.

Важноста на интеграцијата на регијата на Западниот Балкан во евроатлантските врски ја истакна и новата британска амбасадорка во Словенија Харисон. Со Словенија ја дели истата став, дека евроатлантските врски се најдобриот пат за долгорочна стабилност на регијата. Првата слепа британска амбасадорка сака да соработува со Словенија за да го постигне тоа. (13. август)