ЕК ќе го анализира полскиот закон за суспензија на правото на азил кога законодавниот процес ќе заврши

Европската комисија ќе го анализира полскиот закон за суспензија на правото на азил кога ќе заврши легислативниот процес за оваа регулација. Не можеме да коментираме за законодавство кое сè уште не е усвоено – призна во петокот портпаролот на ЕК Маркус Ламер на брифинг во Брисел.

Премиерот Доналд Туск повика претседателот Анджеј Дуда што побрзо да го потпише законот за ограничување на правото на азил.

ЕК беше запрашана во петокот дали овој полски закон е спротивен со Повелбата на основни права на ЕУ и дали Комисијата ќе преземе мерки, доколку ова право го потпише полскиот претседател.

“Комисијата е свесна за најновите случувања во полскиот парламент, кои се однесуваат на ова ново право. Но, секако не можеме да коментираме за законодавство кое сè уште не е усвоено” – изјави Ламер и додаде дека ЕК ќе го анализира законот по завршување на неговиот легислативен процес.

Истовремено подчерта дека во случајот со Полска, клучно е “да се потсетиме на контекстот”. “Постои хибридни закани кои произлегуваат од користењето на миграцијата како оружје од страна на Русија, со поддршка на Белорусија. Тие претставуваат ризик за суверенитетот, националната безбедност и територијалниот интегритет на Полска, како и за безбедноста на Унијата во целина” – нагласи портпаролот.

Новелата на законот за доделување заштита на странци на територијата на РП предвидува можност за воведување временско, територијално ограничување на правото на азил. Ограничувањето на правото на поднесување барање за доделување меѓународна заштита ќе може да се воведе со уредба на Советот на министри на предлог на Министерот за внатрешни работи и администрација.

Треба да ја земе предвид “потребата за спречување на дестабилизацијата на внатрешната ситуација” во земјата, и да има за цел “колку што е можно помало ограничување на правата на странците што имаат намера да побараат меѓународна заштита”. Според новелата, ограничувањето ќе биде временско, а еднократниот период на важност на ограничувањето нема да може да надмине 60 дена. Овој период ќе може да биде продолжен на одреден временски рок. (21.03.2025)