Емисиите на стакленички гасови во Бугарија опаѓаат за 37,4 проценти, во ЕУ – за седум проценти во 2023 година

БРИСЕЛ – Во 2023 година, емисиите на стакленички гасови, поврзани со активностите на бизнисите и домаќинствата во ЕУ, изнесувале 3,4 милијарди тони јаглероден еквивалент. Тоа е пад од седум проценти во споредба со 2022 година и осумнаесет проценти во споредба со 2013 година, покажуваат податоците на Евростат. Забележаниот пад во Бугарија е 37,4 проценти.

Во периодот 2013-2023 година, производителите во речиси сите сектори ги намалиле своите емисии, покажуваат податоците. Производителите и доставувачите на електрична енергија, гас, пара и климатизација постигнале најголемо намалување со пад од 43 проценти, или 448 милиони тони јаглероден еквивалент. Сериозен е падот и во секторите „Рударство“ и „Кариери“ – 25 проценти, или 18 милиони тони јаглероден еквивалент, „Услуги“ – 20 проценти, 54 милиони тони и „Индустриско производство“ – 17 проценти, 142 милиони тони.

Зголемување на емисиите е регистрирано единствено во секторот „Транспорт и складирање“ – 14 проценти.

Домаќинствата забележуваат пад на емисиите од 14 проценти или 110 милиони тони јаглероден еквивалент, велат од Евростат.

За периодот 2013-2023 година, индексот на т.н. интензитет на стакленички емисии паѓа за 32 проценти, што значи дека додадената вредност на економијата на ЕУ расте за 19 проценти и истовремено се намалуваат испуштените штетни гасови, дополнуваат од европската статистичка служба.

Најголем пад на интензитетот на емисиите е забележан во Естонија (-61 процент), Ирска (-50 проценти) и Словенија (-41 проценти). Најмал е падот во Австрија и Литванија (по -17 проценти) и Луксембург (-19 проценти).

ЕУ има амбиција да стане климатски неутрална до 2050 година. (13 јануари)