Земјоделците со стотици трактори протестираа против увозот на храна од земји кои не се членки на ЕУ

Прага – Стотици трактори и други земјоделски машини денеска во Чешка тргнале на некои главни патишта и до граничните премини во знак на протест против увозот на храна од земји надвор од Европската унија. Земјоделците сообраќајот не го искомплицираа многу, потполно го блокираа само кратко на граничниот премин во Начод и некаде само демонстрираа без техника. Прага протестите ги одбегна. Министерот за земјоделие Марек Виеборни (КДУ-ЧСЛ) изјави за ЧТК дека не ги разбира протестите. Според него, договорот меѓу ЕУ и јужноамериканските држави од здружението Меркосур не може да ги истурка чешките фармери од пазарот.

Чешките земјоделци со денешните акции се приклучија кон европските протести, на граничните премини се состанаа со фармери од соседните држави. Главните организатори во Чешка се Аграрната комора на ЧР и Земјоделскиот сојуз на ЧР. Бараат укинување на трговскиот договор меѓу ЕУ и здружението Меркосур или барем тоа, земјоделството да биде изземено од договорот. Тие се загрижени и за бесцаринскиот увоз од Украина. Во споменатите земји, според земјоделците, фармерите не мора да ги почитуваат подеднакво строгите норми како во унијата. Земјоделците бараат обезбедување на еднакви услови за работа на европскиот пазар, исто така сакаат да се намали бирократијата.

Според Виеборни, од јужноамериканските држави во Европа се увезуваат минимални производи, и покрај тоа договорот со Меркосур не значи апсолутно ослободување на пазарот. “Јасно е поставена квота, која е, на пример, за говедско на двојниот тековен увоз, и сето ова над тоа би било со стандардно царинско оптоварување од околу 20 проценти,” изјави министерот. “Ако се ограничени некои препарати за заштита на растенија во Европа, пестициди или хранливи препарати кај земјоделските животни, логично е, и тоа апсолутно го поддржувам, дека овие услови мора да ги исполнуваат и земјоделците во САД исто како и во Латинска Америка,” рече Виеборни. Во однос на бирократијата, тој ја истакна новата верзија на ветеринарниот закон усвоен минатата недела од Сенатот, кој според министерот содржи 35 измени кои ја намалуваат административната тежина. (27 февруари)