go to the original language article
Контролата на границата меѓу Германија и Полска претставува проблем за секојдневниот граничен сообраќај, а исто така и за функционирањето на внатрешниот пазар на ЕУ и затоа не сакаме да се заострува – изјави шефот на амбасадата на РП во Германија Јан Томињски во разговор со порталот Политико.
Порталот укажува на тоа дека овие зборови се изречени само неколку дена пред првата посета во Варшава на идниот канцелар на РФН Фридрих Мерц.
Томињски, како што информира Политико, ја критикуваше плановите на идната влада на Германија, кои се однесуваат на заострување на граничните контроли. “Тековните контроли на границата меѓу Германија и Полска веќе претставуваат проблем за секојдневниот граничен сообраќај и функционирањето на внатрешниот пазар на ЕУ. Затоа не сакаме заострување на граничните контроли” – изјави полскиот дипломат.
Христијанско-демократската партија Фридрих Мерц, која треба да ја преземе власта во РФН во следниот вторник во коалиција со социјалдемократите, одамна ветува поостро становиште во врска со миграцијата, за да “го поврати гласот на десницата”.
Мерц најави воведување на построги гранични контроли од првиот ден на неговото владеење.
Кога беше прашан дали Полска ќе го прифати враќањето на лицата кои бараат азил, Томињски нагласи дека Варшава ги одржува своите “обврски произлезени од законодавството на ЕУ”. Објасни дека тоа вклучува реформа на европскиот систем за азил.
Мерц, чии главни изборни ветувања вклучуваа подобрување на односите со соседите на Германија, вклучувајќи ја и Полска, и заземање на поактивно становиште на европската сцена, ќе отпатува во среда во Варшава, каде што веројатно ќе ја брани својата цврста политика во врска со границите. (03.05.2025)