Потпретседател на ЕК за царините на САД на автомобили: ќе се фокусираме на интересите на Европјаните

Заменичката на претседателот на Европската комисија Тереса Рибера изјави во четвртокот дека откако ќе ги разгледа деталите за воведувањето царина на странски автомобили од страна на САД, ЕК “ќе реагира соодветно”. Ќе мораме да се фокусираме на нашите сопствени интереси како Европејци – додаде таа.

Во средата, претседателот на Соединетите Американски Држави Доналд Трамп најави дека на 2 април ќе наметне 25 отсто царина на сите патнички автомобили и лесни камиони увезени од странство. Досегашната стапка изнесуваше 2,5 проценти. Меѓу земјите членки на ЕУ, најголеми извозници на автомобили во САД се Германија, а потоа Словачка, Италија и Шведска. Според германскиот статистички урод Дестатис во 2024 година, Германија извезе 3,4 милиони нови автомобили со вредност од 135 милијарди евра, од кои близу 450 илјади беа извезени во САД.

Рибера, одговорна за политиката на конкуренција во ЕК, изјави во четврток на новинарите дека воведувањето царина на странски автомобили од страна на САД е лоша вест и за потрошувачите и за индустријата. “Жалиме што американската администрација игра против добро функционирачкиот светски пазар на автомобили” – нагласи таа.

Прашана дали Брисел може во преговорите со Вашингтон да предложи зголемување на увозот на американско течен гас, Рибера одговори дека договорите за купување на течен гас ги склучуваат фирмите, а не владите.

“Се разбира, ќе мораме да се фокусираме на нашите сопствени интереси како Европејци. Ќе работиме заедно со секторот (на автомобилската индустрија – ПАП), за да го обезбедиме дека нашите сопствени фирми ќе се справат” – истакна заменичката на претседателот на ЕК. Таа додаде дека Европската унија треба да ги поддржува фирмите кои исполнуваат високи стандарди за работнички права и заштита на животната средина.

Рибера најави дека ЕК ќе ги разгледа деталите на царина најавена од САД и ќе реагира соодветно на нив. (27.03.2025)