go to the original language article
Прага – Автомобилската компанија Шкода Ауто предлага регулаторната рамка за автомобилската индустрија да овозможи покрај преминот на електрични возила и можност за користење на приклучни хибриди или алтернативни горива. По средбата со министерот за индустрија и трговија Лукаш Влчек (СТАН) го изјави претседателот на управниот одбор на Шкода Ауто Клаус Зелмер. Сегашниот план на ЕУ вклучува постепено намалување на емисионите лимити за произведените возила и целосна забрана за мотори со внатрешно согорување од 2035 година
“Гледаме дека клиентите и натаму сакаат да имаат можност за избор од повеќе варијанти на погон. За да останеме економски успешни, мораме да ги почитуваме овие преференции на клиентите и да им оставиме отворени технолошки опции на патот кон декарбонизација на европскиот возен парк. Во интерес на постигнување на оваа цел, треба активно да истражиме други можности, вклучувајќи приклучни хибриди и алтернативни горива, што треба да бидат земени предвид во регулаторната рамка,” изјави Зелмер во соопштение за печатот.
Чешката Република заедно со Италија крајот на минатата година ја повика ЕУ да го забрза оценувањето на реалистичноста на целта за забрана на продажба на автомобили со мотори на согорување од 2035 година. Другата точка на заедничкиот чешко-италијански предлог е исто така акутатна потреба за решение на заканата од казни за непочитување на емисионата цел поставена за 2025 година. “Префрлањето на ревизијата на емисионите лимити за 2025 (од 2026 година) и привременото ублажување на санкциите е чекор кој ќе обезбеди на европските производители потребното време за адаптација и воедно ќе го поддржи вложувањето во иновации и одржливи технологии. Нашата цел е да обезбедиме дека преминот кон позелена мобилност нема да биде на штета на конкурентиноста и работните места,“ истакна заменик министерот за индустрија и трговија Штепан Хофман.
Регулацијата на СО₂ според членот на управниот одбор на Шкода и претседателот на Здружението на автомобилската индустрија Мартин Јан беше поставена во различни услови и производителите вложиле сите напори за да ги исполнат. “2025 година ќе биде неизмерно предизвикувачка и е потребно да се бара флексибилност, за да избегнеме санкции што ќе ја забават трансформацијата. Покрај тоа, мораме да ја преиспитаме индустриската политика со цел да ги намалиме производствените трошоци, конкретно цените на енергијата, да ја поддржиме побарувачката на пазарот и да ги мотивираме производителите на автомобили да инвестираат повеќе во нови технологии, посебно со оглед на меѓународната конкуренција,“ додаде Јан.
Чешката автомобилска индустрија вработува директно и индиректно речиси половина милион луѓе, со учество од 24 проценти во извозот на Чешката Република и сочинува девет проценти од нејзиниот БДП. Автомобилската индустрија е од клучно значење и за европската економија, вработувајќи повеќе од 13 милиони луѓе и учествувајќи со 6,8 проценти во вкупната вработеност на ЕУ. (10 јануари)