Амбасадорите на државите членки на ЕУ ја потврдиле својата поддршка за процесот на евроинтеграција на Северна Македонија и изразиле подготвеност за натамошна соработка и помош во реализацијата на реформските процеси.
Европскиот парламент во четвртокот ја реизбра германската конзервативна политичарка Урсула фон дер Лајен за претседателка на Европската комисија. Таа доби нов петгодишен мандат како лидер на ЕУ откако првпат ја презеде функцијата во 2019 година.
Договорот од Преспа имаше други слабости, но членот од Договорот од Преспа што се однесува на името, ерга омнес, името Република Северна Македонија за севкупна употреба, не е подложен на никакво оспорување или правно толкување. Тоа е името на земјата и никој не може да ја нарекува со друго име. Ова е нешто што апсолутно јасно му го ставив на знаење на премиерот на Северна Македонија за време на Самитот на НАТО дека се наоѓа на таа маса токму затоа што е потпишан Договорот кој во моментов не го почитува, рече Мицотакис
Грчката страна го истакна прашањето за посветеноста на сите членки на НАТО кон меѓународното право и меѓународните договори, што ја претставуваат основата на глобалната безбедносна архитектура. Посебно осврнување имаше на должното верно почитување на Договорот од Преспа, чиешто јадро систематски го прекршува новото политичко и државно раководство на Северна Македонија, вели Герапетритис
Точно 29 години по масакрот во Сребреница, Генералното собрание на ОН усвои Резолуција за геноцидот во Сребреница и прогласи Меѓународен ден на сеќавање и одбележување на жртвите. Гласањето се покажа контроверзно низ балканските земји, но ЕУ јасно го изрази својот цврст став со официјална изјава – „нема место“ во ЕУ за оние кои го негираат геноцидот во Сребреница и се обидуваат „одново да ја напишат историјата“.