Словенечкиот премиер ја поздрави Белата книга за европската одбрана

Брисел – Белата книга за иднината на европската одбрана, според мислењето на словенечкиот премиер Роберт Голоб, оди во правец. Словенија планира да искористи и европски заеми и можноста за отстапување од буџетските правила на унијата за потребите на инвестиции во одбраната, изјави пред самитот на ЕУ во Брисел. Се согласи со оцената дека Русија претставува закана.

“Предвидени се многу поволни заеми за овие намери, навистина поволни, и се разбира дека Словенија ќе се стреми да ги добие овие заеми,” изјави тој.

Владата, според најавите на премиерот, исто така ќе побара да се иницира националната клаузула за отстапување, која ќе им овозможи на членките да ги зголемат одбранбените расходи до 1,5 проценти од бруто домашниот производ (БДП), без да ги нарушат европските буџетски правила.

Најави дека планот, кој ќе вклучува конкретни мерки и распоред на средства, ќе биде подготвен од владата до април и ќе биде претставен и во националниот парламент.

Тој истакна дека во белата книга за одбрана меѓу приоритетните области, во кои треба приоритетно да се вложува, се и кибер безбедноста, употребата на вештачка интелигенција, напредни технологии, беспилотни летала и заштита против дронови.

Се согласи и со оценката на Европската комисија дека Русија претставува закана за ЕУ. “Сигурно е дека ситуацијата, во која се нарушува Основната повелба на Обединетите нации и една суверена држава напаѓа друга суверена држава, е нешто што претставува закана за светскиот ред воопшто,” објасни тој. (20 март)