go to the original language article
Министерот за надворешни работи Радослав Сикорски вo Брисел изјави дека една од идеите за финансирање на заеднички проекти за одбраната од страна на Европската унија е создавање банка за повторно вооружување. “Тоа е вредно за разгледување” – оцени полскиот министер за надворешни работи.
Сикорски потсети дека за време на мир, ЕУ има Европска банка за обнова и развој, но таа во својата мисија нема поддршка за одбрана.
“Сега, соочена со воена закана од страна на Русија, Унијата треба нешто слично, но соодветно на денешните предизвици, вклучувајќи ги и потребите за обнова на одбранбената индустрија и одбрана во Европа” – кажа министерот, додавајќи дека идејата за нова иницијатива за основање банка за повторно вооружување е вредна за разгледување. Таа би работела по примерот на Европската инвестициска банка, но специјализирана за инвестиции во одбраната.
Сикорски, кој во четвртокот се сретна со новинарите во Брисел, истакна дека ЕУ мора да ги зајакне своите одбранбени капацитети бидејќи тоа е нејзината “осигурителна картичка”. Тој, сепак, додаде дека како поранешен министер за одбрана е свесен дека одбраната е исклучително скапа и дека на неа треба да се потрошат реални пари.
Тие можат да дојдат од различни извори, вклучувајќи зголемени придонеси на земјите-членки, пренасочување на постоечки фондови, на пр. од политиката за кохезија, за зајакнување на одбраната на Заедницата, користење на средства кои не биле алоцирани, на пр. од фондот за обнова по пандемија та Ковид-19 или од заедничкиот долг што го преземала ЕУ. Новата идеја е споменатата банка.
“Ми се допаѓа оваа предлога” – изјави Сикорски, додавајќи дека ако ЕУ не активира барем еден од овие извори, може да се најде во тешка ситуација.
Министерот потсети дека Унијата зборува за заедничка одбрана од 90-тите години, кога се покажа дека е немоќна во врска со војната на Балканот. “Тогаш ни требаше помош од Соединетите Американски Држави” – рече Сикорски. (06.02.2025)