Битно е дека нашите аргументи, дека уставните измени не треба да служат само за отпочнување на преговорите, туку дека после отворањето на преговорите процесот не треба да се билателизира до затворање, е клучниот аргумент кој што во Брисел сериозно се сфаќа и ова не е само наше барање, рече Муртезани.
Ние нема да може да бидеме спремни да ги отпочнеме преговорите ако не вметнеме неколку стотина наши граѓани во Уставот, што значи дека тоа е дел од бугарското малцинство во Македонија. Кој може нам да ни гарантира дека ова е последно барање? Во судот за човекови права во Стразбур, имаме 14 пресуди кои велат дека правата на Македонската заедница во Бугарија се повредени. И тука се поставува логично прашање, чии права се повредени, рече Мицкоски.
Критериумите се многу јасни од 2022 година наваму, кога беше усвоена Преговарачката рамка. Тие треба да бидат исполнети и во таа смисла не очекувам никаква промена. Не сметам дека државите членки ќе ги преразгледаат условите. Јасно е дека тие треба да бидат исполнети, рече Вархеји.
